Vogelfrei

Vili Sache wet i no mache
Vili Sache hani scho gseh
Mängmol mues i über all’s lache
Denn aber au tuet’s schampar weh…

Wie `ne Sunnestrahl im Dunkle
S’ Lache vom `ne Chind
S’isch wie fliege
Vogelfrei im Wind

Grossi- Chlini; Diggi und Dünni
Schwarzi- Wissi; Gähli und Bruuni
Armi – Riichi; Gschiid oder Dummi
Schöni- Wieschti; Grad oder Chrummi

I bi scho chli e Träumer
E Dummling, und e Phantascht
Ein wo glaubt das s’Läbe 
Sig zum Gniesse gmacht…

I bi scho chli e Träumer
E Dummling, und e Phantascht
Ein wo glaubt das s’Läbe 
Sig zum Gniesse gmacht…